多謝正哥用自己神作, 與小弟及又曦嘅簽名會, 作共同宣傳。
小弟一直認為正哥嘅<男人唔可以窮> 先係真正成功嘅網絡作品。一來, 佢唔係一開始就有拍攝電影嘅話題性; 二來, 佢唔係有廣泛銷售宣傳。
<男人唔可以窮> 嘅成功全靠讀者一個個响網上分享同支持, 呢方式先係真真正正嘅網絡作品。
預祝大賣!
《男人唔可以窮II》 即將出版。
如無意外，聽日睇Eason之前就會同出版社負責人送禮勤一齊去睇印好嘅書，之後書就會送到發行準備後日出現喺各大書局。
第二本自己作品終於出，同樣都要多謝左Chris先，冇佢真係冇人會識薛可正，之後就係一班支持呢個故事咁耐嘅朋友，好多我都記得。
7月21日號我會去太賀同又曦簽名會，有緣嘅到時撞下大家。
呢個絕對係廣告嚟，所以希望大家幫手share下，因為Facebook改左setting，而家連朋友讚好嘅所有嘢都睇唔到，只有靠Share先可以令更多人知道呢件事。
感謝。
Search